deutschland.legal
SWSchulV · Póstajenje wó šulskich kubłańskich nastupnosćach Serbow (Serbske šulske póstajenje – Sšp)

§ 1 Powšykne zasady Powšykne zasady (SWSchulV-253844)

Pósrědnjanje a spěchowanje znaśow a rozměśe serbskeje identity, kultury a stawiznow su wósebne nadawki šule. W šulach w starodawnem sedleńskem rumje Serbow we zmysle § 3 pódstawk 2 Serbskeje kazni (starodawny sedleński rum) maju wósebnje serbska rěc, stawizny a kultura se do kubłańskego źěła zapśimjeś.

Europska charta regionalnych abo mjeńšynowych rěcow a ramikowe dojadnanje za šćit narodnych mjeńšynow stej zakład rědowanja šulskich kubłańskich nastupnosćow Serbow w Bramborskej.

W starodawnem sedleńskem rumje ma se wšyknym wuknicam a wuknikam zmóžniś, aby pó wustajenjach toś togo póstajenja nawuknuli dolnoserbsku rěc a w pśedmjatach, rědowniskich schójźeńkach a lětnikach, kótarež se maju póstajiś, se w dolnoserbskej rěcy rozwucowali. Šule w starodawnem sedleńskem rumje informěruju starjejšych, wuknice a wuknikow zawcasa do zachopjeńka šulskego lěta, w pśizjawjeńskem casu, wó móžnosćach nawuknjenja a woplěwanja dolnoserbskeje rěcy.

Šule, kótarež wósebnje se pśiwobrośuju woplěwanju, spěchowanju a pósrědnjanju serbskeje rěcy a kultury a pórucuju dolnoserbske kubłańske pórucenja abo take z dolnoserbšćinu ako jadneju z wjele rěcow, se pśez kraj spěchuju a pódpěruju.

Ceptaŕki a ceptarje muse dostaś móžnosć, sebje znaśa dolnoserbskeje rěcy pśiswójś a pódłymiś. Planowanje wu-, do- a dalejkubłanja za ceptaŕki a ceptarjow źiwa na kulturu a stawizny Serbow. Statny šulski amt informěrujo na pśigódnu wašnju wó aktualnych pórucenjach wu-, do- a dalejkubłanja.

Płaśe rědowanja danego póstajenja kubłańskego pśeběga, jo-lic w tom póstajenju se nic wótchylajucego njerědujo.

Kraj ma w Chóśebuzu Źěłanišćo za serbske kubłańske wuwijanje (ABC). K jogo nadawkam słuše wuźěłanje wucbnych a wuknjeńskich srědkow, wuwijanje ramikowych planow wšyknych lětnikow a dokubłanje ceptaŕkow a ceptarjow za wucbu w pśedmjaśe serbšćina inkluziwnje za to trjebny personal.

27.01.2022Stand
Fassung und Quelle

Stand der Fassung 27.01.2022, amtliches Werk nach § 5 UrhG

Quelle: BRAVORS — Brandenburgisches Vorschriftensystem

Vorschriften des Landes Brandenburg aus BRAVORS — Brandenburgisches Vorschriftensystem (Landesregierung Brandenburg, Redaktion im Ministerium der Justiz und für Digitalisierung). Die Normtexte sind amtliche Werke und damit gemeinfrei (§ 5 UrhG). Das Portal erklärt keine Nutzungsbedingungen: es gestattet den automatisierten Abruf per robots.txt ausdrücklich (nur /sixcms/admin/* gesperrt, Crawl-delay 20) und erhebt keinen TDM-Nutzungsvorbehalt nach § 44b Abs. 3 UrhG, räumt aber auch kein Nutzungsrecht ein (Stand 2026-08-22); der Datenbankschutz nach §§ 87a ff. UrhG für das Portal bleibt unberührt. Übernommen werden allein die Vorschriftentexte, nicht Gestaltung oder Registerwerke. Es handelt sich um nichtamtliche konsolidierte Lesefassungen — rechtlich verbindlich ist ausschließlich das amtliche Gesetz- und Verordnungsblatt für das Land Brandenburg (Teil I und II) unter landesrecht.brandenburg.de; auch die Verkündungsblätter stehen in BRAVORS nur in nichtamtlicher Fassung. Der Bestand der Verwaltungsvorschriften ist laut Portal noch in redaktioneller Überarbeitung und teilweise unvollständig.